Mustapha Gbolahan Salami është padiskutim lideri i Kukësit në këtë sezon. Sulmuesi nga Nigeria ka arritur të shënoj gola vendimtarë me verilindorët, teksa paraqitjet e tij në fushën e lojës kanë marrë vëmendjen e disa ekipeve të tjera.
Është Partizani në Superiore i gatshëm të shpenzojë për shërbimet e tij. Madje dy klubet kanë nisur bisedimet mes tyre, por skuadra verilindorë heziton të lërë të lirë lojtarin.
22-vjeçari ka kontratë me Kukësin deri në vitin 2025. Kukësi kërkon të përfitojë më shumë nga shitja e tij duke pasur parasysh se lojtari kërkohet edhe nga skuadra jashtë vendit tonë. Sipas shtypit të shkruar bëhet me dije se drejtuesit e “demave” janë të gatshëm të derdhin në arkat e Kukësit plot 140 mijë euro.
Një shifër e konsiderueshme, teksa pritet se cila do të jetë përgjigja e verilindorëve për këtë ofertë.
Ndërkohë kujtojmë se Salami ishte lojtari që shënoi penalltinë e fundit në çerekfinalen e kthimit në Kupën e Shqipërisë, që solli edhe eleminimin e Partizanit nga ky kompeticion.
Në këtë sezon sulmuesi ka luajtur në 31 ndeshje dhe ka shënuar 4 gola dhe ka asistuar në 7 raste. Në verën e kaluar ka veshur fanelën e verilindorëve, teksa vlera e tij sipas “Transfermarket” është 275 mijë euro.
