Kreu i Grupit Parlamentar të PD-së, Gazment Bardhi është pyetur për projektin që ka zbuluar dhëndri i Donald Trump për ishullin e Sazanit.
Në përgjigje të interesit të gazetarëve gjatë një konference për mediat nga selia blu, Bardhi tha “në parim, mbështesim çdo investim të huaj”.
“Nuk ka asnjë projekt konkret që të marrë vëmendjen nga Partia Demokratike. Në parim, mbështesim çdo investim të huaj, por rikonforojmë qëndrimin tonë, që investimet e huaja duhet të miratohen në transparencë të plotë, në përputhje me ligjin, me garë të hapur dhe një analizë se çfarë përfitojmë. Një nga qëllimet tona është të thithen investime të huaja. Ligji për investimet strategjike këtë qëllim ka pasur. Ky ka qenë Edi Rama e përdori ligjin për t’ua dhënë atë ligj 5 individëve”, tha ai.
