Ish-trajneri i Juventus-it, Fabio Capello, ka thënë se klubi bardhezi duhet të bëjë investime të rëndësishme këtë verë.
Ish-trajneri beson se Juventus duhet të jetë një nga skuadrat protagoniste në merkaton e ardhshme.
“Duhen të paktën katër blerje, por të nivelit të lartë. Blerje që duhet të zgjidhen nga trajneri dhe klubi. Trajneri do të duhet të ketë ndikim në zgjedhjen e merkatos”, ka thënë Capello për Gazzetta dello Sport.
Në lidhje me interesimin e bardhezinjve për mesfushorin e Atalanta-s, Koopmeiners, Capello shtoi: “Lojtar i mirë, por do të duhet të vihet në provë me një fanellë me peshë si ajo e Juventus-it.
“Megjithatë, bardhezinjtë do të duhet të marrin të paktën dy mesfushorë cilësorë. Më pas një mbrojtës krahu dhe një qendërsulmues ose sulmues krahu që di të kalojë kundërshtarin dhe krijon superioritet numerik”.
