Kryetari i grupit parlamentar i Partisë Demokraitke, Gazment Bardhi ka reaguar pasi Gjykata e Lartë vendosi rishqyrtimin e çështjes së vulës së PD-së.
Përmes një postimi në rrjete sociale, Bardhi shprehet se Gjykata e Apelit duhet t’i japë fund “këtij absurdi që vijon prej 2 vitesh dhe që duhet të ishte zgjidhur me vullnet e përgjegjshmëri politike”.
Kreu i Grupit të PD-së deklaroi se çdo zvarritje do të ishte e papranueshme pasi sipas tij dëmton opozitën.
Bardhi: “Pas zbardhjes së vendimit të GjL për konfliktin e brendshëm ligjor në PD, është e domosdoshme që GjA menjëherë dhe pa asnjë vonesë të mëtejshme t’i jap fund tejzgjatjes së këtij absurdi që vijon prej 2 vitesh dhe që duhet të ishte zgjidhur me vullnet e përgjegjshmëri politike.
PD është pronë e anëtarëve të saj, aset kombëtar, dhe çështje e interesit publik, që ndikon në mënyrë të drejtëpërdrejtë në jetën publike, shtetërore, institucionale të vendit. Çdo zvarritje do të ishte e papranueshme, sepse dëmton opozitën dhe përmes saj dëmton Shqipërinë!”.
