Jared Kushner, dhëndri i ish-presidentit amerikan Donald Trump, konfirmoi të premten se është afër finalizimit të disa marrëveshjeve të mëdha për pasuri të paluajtshme në Shqipëri dhe në Serbi.
Ish-luftëtari i UCK Dritan Goxhaj tha në emisioni Now në Euronews Albania se një mundësi shumë e mirë do të ishte që ishulli i Sazanit, duke qenë se vijon të jetë ende gjysmë bazë ushtarake, t’i jepet NATO-s për të kthyer në bazë të vetën.
Kjo, sipas tij nisur nga pozicioni strategjik i ishullit dhe situatës gjeopolitike në rajon pas luftës së Rusisë në Ukrainë.
“Baza e Sazanit, duke parë zhvillimet gjeopolitike që po ndodhin, është gjysma e Evropës që thotë duam të bëjmë luftë me Rusinë. Sazani është kyçi dhe hyrja e Otrantos, futja në Otranto duhet të kalojë përmes Sazanit dhe Sazani mund të kthehet e gjitha në një bazë ushtarake. E kemi dëgjuar Ramën që thotë NATO do të marrë Pashalimanin, por ai është i pavlefshëm nëse Sazani nuk është bazë ushtarake, se Sazani është mbrojtja e Gjirit të Vlorës. Sazanin e kemi një ishull të papërdorur, pse mos t’ia ofrojmë NATO-s? Sazani ka vlerë shumë të rëndësishme ushtarake për NATO”, tha Goxhaj.
