Kryetari i Komisionit të Sigurisë, Nasip Naço është paraqitur ditën e sotme në ambientet e Prokurorisë së Posaçme kundër Korrupsionit dhe Krimit të Organizuar lidhur me çështjen CEZ-DIA.
Për 1 orë e 30 minuta, Nasip Naço i është përgjigjur prokurorëve lidhur me këtë çështje, si ish ministër i Ekonomisë dhe Energjetikës në kohën e koalicionit PD-LSI.
Në një deklaratë për mediat, Naço tha se për këtë çështje ka folur me letra duke mbajtur një qëndrim korrekt dhe sipas ligjit.
Naço tha se me vendim e tij për të ndryshuar ligjin për energjinë eklektike, iu kursyen shteti 40 milionë euro dhe u hoqën nga sistemi i CEZ disa kompani të mëdha që kishin 20% të tregut, mes tyre edhe Kastriot Ismailaj që kishte marrëdhënie me këto kompani.
“Në atë kohë kam mbajtur një qëndrim korrekt dhe ligjor dhe ka m folur me letra dhe jo me heshtje. Kam ndryshuar ligjin për energjinë eklektike duke nxjerrë jashtë sistemit disa komani të mëdha në atë kohë që kishin 20 % të tregut të CEZ. Kjo i kurseu shtetit 40 milionë euro në atë kohë. Ata që spekulonin në atë kohë morën përgjigje ku ish drejtori i CEZ në atë kohë u shkarkua dhe një emër tjetër si Kastriot Ismailaj, që kishte një marrëdhënie me CEZ jashtë vullneti të Ministrisë së Ekonomisë që kishte 24 % të aksione iu ndërpre kontrata. Miratimi i ligjit dhe qëndrimi im për interesin publik ka folur për gjithçka në atë kohë. Këto ishin deklaratat e mia para prokurorëve”, tha Naço.
Në prill të 2022, SPAK ka rihapur çështjen CEZ-DIA.
Për këtë çështje, në 2017-ën, është dënuar nga Gjykata e Tiranës me 11 vite burg Kastriot Ismailaj për “mashtrim me pasoja të rënda” dhe “pastrim të produkteve të veprës penale”. Ismailaj ishte administratori i kompanisë DIA, e ngarkuar për mbledhjen e borxheve të CEZ. Sipas akuzës, Ismailaj, me kompaninë e tij DIA, mundi te mashtroje CEZ duke përfituar 5 milion Euro. Para për të cilat gjykata vendosi konfiskimin. Vendimet u konfirmuan edhe në dy shkallët e tjera të gjyqësorit.
Vitin e kaluar, Ismailaj u lirua nga qelia pasi u konstatua shlyerja e dënimit nga gjykata.
