Një ngjarje e pazakontë ka ndodhur sot në stërvitjen e pasdites të Kombëtares shqiptare.
Grupimi i tifozëve “Illyrian Elite” ka shkaktuar një situatë të veçantë teksa ka hyrë me forcë në ambientet e “Shtëpisë së Futbollit”.
Ata kanë shpalosur një parullë që i kushtohej FSHF-së. “Padrejtësi dhe neglizhencë, ku janë biletat tona”, shkruhej në këtë mesazh të shpalosur nga ky grupim në tribunat e një prej stadiumeve të kompleksit.
Më pas, ata kanë ndezur flakadanë dhe kanë nisur koret e tyre të pashqetësuar, teksa në fushën tjetër vazhdonte stërvitja e Kombëtares nën urdhrat e trajnerit SIlvinjo.
