Një i ri shqiptar ka humbur në një aksident tragjik të regjistruar mëngjesin e kësaj të marte në Itali. Mediat përtej Adriatikut raportojnë se viktima është shtetasi 20-vjeçari Alfred Vocaj, banonte në Abano Terme me familjen e tij.
Duke udhëtuar me motor, i riu humbi kontrollin e motomjetit të tij, dhe hyri në korsinë e kundërt, ku u përplas me një makinë “Fiat Freemont” që drejtohej nga një 57-vjeçar. Ngjarja ndodhi në unazën në Padova.
Një javë më parë Alfred Vocaj kishte nisur punën si mekanik në një punishte pranë qendrës tregtare Giotto në Padova. Më parë ai kishte qenë i punësuar si punëtor në një qendër shitjeje me shumicë fruta-perimesh në zonën industriale të qytetit.
Një muaj më parë ai kishte blerë motorin, një Aprilia 125, të cilën e përdorte kryesisht për të shkuar në punë.
