Duke analizuar aktualitetin e Superiores, Nevid Dede u ndal edhe tek ecuria e Kukësit në javët e fundit, Kualifikimi në Kupë ndaj Partizanit, dy fitoret në kampionat përballë Laçit dhe Vllaznisë.
Sipas Dedes, Bledar Devolli i ka dhënë një karikim ekstra skuadrës verilindore.
“Devolli i ka kthyer vetëbesimin Kukësit. Kjo skuadër ka organikë, janë rreth 22 futbollistë. Ka disa lojtarë që janë evidentuar dhe shumë klube të Superiores do të duan t’i afrojnë. Ka një karikim ekstra nga Devolli te lojtarët.
Kanë një kimi bashkë. Në momentin që arritën të shkonin me besim dhe guxim në përballjen në Kupë me Partizanin, ishte një bast i fituar edhe nga Devolli. Kukësi do t’ia nxijë jetën çdo kundërshtari, edhe pse do të jetë e vështirë arritja e objektivit.”
Kujtim Llupa presidenti i AF Elbasanit? “Kam patur fat që kam patur president edhe Armand Dukën, i cili nuk ka ndërhyrë kurrë! I dyti është Llupa. Njoh edhe Lazen, si lojtar”, theksoi Dede.
