Shpëtim Duro, trajneri i njohur shqiptar, preku tema të ndryshme në emisionin “Elite Show”.
Ndër të tjera, Duro foli edhe për skuadrat e Kategorisë Superiore. Ai ka deklaruar se nuk do të rikthehet në të ardhmen në rolin e trajnerit te Partizani pasi sipas tij nuk është respektuar në klub.
Për Tiranën, Duro është shprehur i zhgënjyer me atë çka ka treguar skuadra këtë sezon.
Partizani? Tani nuk shkoj më kurrë trajner i Partizanit! Kam dhënë shumë, por nuk jam respektuar. Nuk kam dëshirë ta drejtoj Partizanin. Jam ndarë mirë me presidentin Demi. Ai më tha e ke derën e hapur, por nuk kam fare dëshirë të jem trajneri i tyre.
Tirana? Nuk gjykohet për 4-5 ndeshje. Zhvilluam një miqësore në verë, ata kishin bërë një merkato të jashtëzakonshme. Tirana ishte pretendentja kryesorë, por ka qenë zhgënjim këtë sezon, deri në këto momente.
Ka potencial futbollistësh, në të gjithë repartet. Një humbje e madhe për Tiranën ka qenë largimi i Florent Hasanit. Por, formula e kampionatit ka bërë që skuadrat të kenë oshilacione.
A e kam objektiv të drejtoj një ditë Tiranën? Patjetër! Jam rritur mes tifozëve të Tiranës. Vëllai i madh ka qenë tifoz me Tiranën, unë me Partizanin. Vëllanë e Refik Halilit e kam pasur shok fëmijërie.
