Kukësi vjen në momentin më të mirë për përballjen e nesërme me Vllazninë në “Kukës Arena”. Morali është i lartë dhe në kampin blu duan ta shfrytëzojnë në maksimum në favorin e tyre këtë element.
Në prononcimin e dhënë për “Panorama Sport” para këtij dueli delikat, trajneri Bledar Devolli vlerëson dëshirën që kanë djemtë për të bërë përpara, ndërsa kërkon vetëm që skuadra të bëjë detyrën kundër Vllaznisë.
“Skuadra vjen e motivuar dhe kam parë dëshirë te të gjithë djemtë. Rezultatet e fundit i kanë bërë të gjithë optimistë dhe kemi besim që mund të bëjmë mirë. Sa i përket ndeshjes me Vllazninë, unë pres që ekipi im të bëjë detyrën, atë që unë i kërkoj në stërvitje çdo ditë. Kundërshtari ka pak rëndësi, pasi ne do të përballemi me të gjithë dhe për të arritur objektivin. Duhet të marrim rezultat pozitiv ndaj kujtdo që kemi përballë”, u shpreh fillimisht Bledar Devolli.
Devolli thekson se stërvit një ekip me potencial e cilësi dhe nëse do kishte ardhur më herët do të ishin në të tjera pozita. “Këta djem kanë potencial për më shumë. Cilësia e tyre nuk vihet në diskutim, por situata tivin në fund të kampionatit”, vijoi më tej tekniku i verilindorëve.
Në dy ndeshjet e fundit që Kukësi ka marrë fitoren, skuadra nuk ka pësuar gola. Për Devollin kjoështë një shenjë e mirë. “Ky fakt tregon se kemi bërë mirë një pjesë të gjërave. Këtë kam dashur që në fillim kur erdha,të bëjmë kujdes për të ruajtur portën e paprekur dhe të shfrytëzojmë në maksimum mundësitë që do të na paraqiten. Nëse bëjmë mirë detyratnë prapavijë, skuadra fiton besim dhe siguri, në këtë mënyrëjemi më të qetë që të veprojmë përpara”, përfundoi tekniku i Kukësit.
