Nuk ka fitues në sfidën Erzeni-Laçi, që hapi javën e 28-të të Superiores. Shijakasit dhe kurbinasit ndahen në paqe, pasi barazojnë 0-0 në ndeshjen e luajtur në Rrogozhinë.
Një barazim që nuk u vlen shumë dy skuadrave dhe që konfirmon momentin jo të mirë që dy ekipet po kalojnë.
Pjesa e parë ka qenë më e mirë për miqtë, që i afrohen golit të avantazhit në disa raste, por pa arritur që të gjejnë rrugën e rrjetës.
Në pjesën e dytë provojnë edhe shijakasit të zhbllokojnë sfidën, por pa ia arritur qëllimit.
Mbyllet pa gola dhe pa fitues sfida në Rrogozhinë dhe dy skuadrat detyrohen që të ndajnë nga një pikë.
Erzeni mbetet në vendin e parafundit në renditje, tashmë në kuotën e 27 pikëve, ndërsa Laçi ngjitet në kuotën e 31 pikëve, por mbetet pranë zonës së ftohtë që të zbret nga kategoria.
