Spektakël në sfidën Atletico Madrid-Inter, me spanjollët që kanë rikthyer baraspeshën.
Fillimisht italianët kanë shënuar golin e avantazhit në minutën e 33-të.
Një aksion perfekt i djemve të Simone Inzaghi është finalizuar më së miri nga anësori italian, Federico Dimarco, me këtë të fundit, që ka arritur të shtyjë në rrjetën e Oblak, pas një pasimi perfekt të Barella.
Megjithatë, duket se avantazhi nuk ka shkuar shumë teksa vetëm dy minuta më vonë, djemtë e teknikut Diego Simeone kanë arritur të barazojnë gjithçka, me “fantazistin” francez, Antoine Griezmann, që dërgon topin në rrjetën e Sommer.
