Një shqiptar ka vdekur në vendin e tij të punës. Ngjarja e rëndë raportohet se ka ndodhur sot në Brescia të Italisë.
Sipas mediave italiane, A.R ka rënë nga çatia e një magazine ku po punonte me disa nga kolegët e tij, transmeton.
Vdekjen e 43-vjeçarit e konstatoi ekipi mjekësor në vendngjarje.
Burri nga Shqipëria bashkë me kolegët e tjerë, po e riparonin çatinë e magazinës që ishte dëmtuar nga breshëri dhe po vendosnin disa panele termike kur shqiptari ka rënë nga një lartësi rreth shtatë metra.
Ai kishte rreth 10 muaj që punonte në atë kompani, shkruajnë mediat italiane.
