Një ngjarje e rëndë ka ndodhur pak minuta më parë në Durrës. Policia, përmes një njoftimi zyrtar, thotë se dy vëllezër dyshohet se janë dëmtuar me mjet prerës .
Nuk thuhen shkaqet e kësaj plagosje me thikë, ndërkohë sipas policisë, të lënduarit janë jashtë rrezikut për jetën.
Për këtë ngjarje është identifikuar njëri prej autorëve i përfshirë në konflikt.
“Në lagjen nr. 5, si pasojë e një konflikti janë dëmtuar me mjet prerës, shtetasit M. B., 38 vjeç dhe K. B., 35 vjeç (vëllezër), të cilët ndodhen në spital, për ndihmë mjekësore, jashtë rrezikut për jetën. Shërbimet e Policisë kanë shkuar menjëherë në vendin e ngjarjes dhe falë veprimeve të shpejta në vendngjarje dhe sigurimit të informacionit, kanë bërë të mundur identifikimin e njërit prej autorëve të dyshuar, shtetasit R. F., 37 vjeç. Vijon intensivisht puna për kapjen e tij. Ndërkohë, grupi hetimor ndodhet në vendngjarje dhe në drejtimin e Prokurorisë po vijon punën për identifikimin e autorit tjetër, zbardhjen e rrethanave dhe dokumentimin ligjor të rastit”, njoftoi policia.
