Në mbledhjen e sotme të Konferencës së Kryetarëve, mazhoranca ka pranuar në parim disa prej kërkesave të opozitës.
Deputeti i Partisë Demorkatike, Luan Baçi, deklaron se mazhoranca u detyrua të pranonte realitetin që e mohoi qëllimisht, për dëmtimin e padrejtë të opozitës.
“Më në fund mazhoranca pranoi realitetin e ri politik të krijuar që e mohonte ditë pas dite gjatë kësaj periudhe duke anatemuar opozitën. Pushoi së ekzistuari fjalori i tyre përçarës tek Opozita duke thënë që ‘ju jeni dy – tre pjesë, nuk dini kush është Opozita’. Më në fund e morën vesh. Nuk kemi nevojë të na japin legjitimitet ata. Legjitimitetin ne na e kanë dhënë qytetarët, na e kanë dhënë demokratët,na e ka dhënë vota e shqiptarëve. Ata më në fund u detyruan të pranojnë, edhe publikisht, se kush është opozita. Pranuan që kryetari i grupit parlamentar, z.Bardhi, i propozuar nga më shumë se 40 deputetë të grupit parlamentar të partisë demorkatike, me kryetarë të partisë demokratike dr.prf.Sali Berishën. Më në fund pranuan një realitet që ka qënë realitet dhe në mënyrë të qëllimtë e kanë mohuar duke sulmuar opozitën në mënyrë padrejtë” u shpreh Boçi për Syritv.
