Vinin baste sportive online, në pranga dy persona në Tiranë |

Dy persona janë arrestuar nga policia në Tiranë pasi vinin baste sportive online.

Policia bën me dije se gjatë kontrolleve të ushtruara në dy lokale në Unazë të Re, u konstatuan shtetasit me iniciale, E. S., 31 vjeç, dhe E. V., 22 vjeç në celularët e të cilëve, u gjetën faqe dhe linqe që shërbenin për vënien e basteve sportive.

Sakaq në cilësinë e provës materiale janë sekuestruar celularët që shërbenin për këtë veprimtari të paligjshme.

Njoftimi:

Specialistët e Seksionit për Hetimin e Krimeve të Komisariatit të Policisë Nr. 6, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, pas një pune të mirëfilltë hetimore, kanë finalizuar operacionin policor të koduar “Games”.

Në kuadër të këtij operacioni u arrestuan shtetasit E. S., 31 vjeç, dhe E. V., 22 vjeç, banues në Tiranë.

Lexo edhe:

Vrasja e Klaudio Prendit/ Makina e atentatorëve ishte vjedhur në Tiranë

Buffon: Baste kam vënë, por kurrë për Juventusin dhe Italinë

Gjatë kontrolleve të ushtruara në dy lokale në Unazë të Re, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive.

Gjatë operacionit u sekuestruan në cilësinë e provës materiale, celularët që shërbenin për këtë veprimtari të paligjshme.

Materialet procedurale i kaluan Prokurorisë, për veprime të mëtejshme.