Një foto po bën me shpejtësi xhiron e rrjetit që prej brëmjes së djeshme. Në të shfaqet deputeti i Partisë Demokratike, Lulzim Basha, duke fjetur në stolin e një aeroporti.
Me valixhen e udhëtimit afër, Lulzim Basha shihet duke marrë “një sy gjumë”, teksa pret orarin e fluturimit të tij.
Kujtojmë se Lulzim Basha, ditën e djeshme ishte i pranishëm në Organizatën e Kombeve të Bashkuara, ku prezantoi rezolutën që pritet të miratohet për konfiskimin e aseteve ruse dhe vendosjen e tyre në funksion të rindërtimit të Ukrainës.
Ndërkohë, fotot e Lulzim Bashës, duke fjetur, jo pak herë kanë bërë xhiron e rrjetit, për shkak dhe se ai është etiketuar vazhdimisht nga kundërshtarët politik si “gjumash”.
