çPresidenti serb Aleksandar Vuçiç, është deklaruar për fotografinë ku shihet ambasadori serb në Amerikë, Marko Gjuriç dhe organizatori i sulmit terrorist në Banjskë, Milan Radoiçiç.
Ai ka thënë se nuk e ka pyetur ende Gjuriçin se kur është bërë ajo fotografi.
“S’e kam pyetur atë se kur, ku dhe pse. Nuk e kam pyetur diçka, qoftë edhe nëse ai ka shkuar në tavolinë për ta takuar Radoiçiqin për t’u ulur për një minutë apo dy, apo aty ka shkuar bashkë të”, ka thënë Vuçiç, raporton Nova.
Më tej ai ka shprehur kritikë për njerëzit që respektojnë ata [Nikola Sanduloviçin] që shkojnë te varri i Adem Jasharit.
“Tash ata po e sulmojnë Markon. Jam duke i shikuar të gjithë sinjalizuesit dhe spiunët, se si po shkojnë për të raportuar te dikush diçka. Imagjinojeni ai e paska takuar ‘djallin’. Dhe, lavdëroni ata që shkojnë te varri i Adem Jasharit, i cili vrau ushtarë dhe policë të ligjshëm serbë. Dhe pastaj shkruani se si BIA paralizoi një kriminel. Gjithçka është kthyer përmbys në këtë vend”, ka thënë ai.
