Një përplasje me armë zjarri ka ndodhur mes shqiptarëve dhe marokenëve në qendër të Frosinones në Itali.
Dy shqiptarë kanë humbur jetën, ndërsa dy të tjerët janë plagosur rëndë. Identitetet e tyre nuk janë bërë ende të ditura.
- Si nisi sherri
Ngjarja ka ndodhur pak pas orës 18:00 përgjatë rrugës qendrore të Frosinones, ku pranë një lokali, 2 persona u afrohen 4 shqiptarëve dhe nisin të debatonin me ta për arsye që ende nuk janë të ditura.
Papritur njëri prej tyre nxjerr armën dhe fillon të qëllojë duke vrarë njërin prej tyre dhe duke lënë të plagosur 3 persona të tjerë.
Viktima mësohet se ka marrë një plumb në qafë dhe për shkak të plagës së rëndë nuk ka arritur të mbijetojë pavarësisht ndihmës mjekësore që iu dha.
Përdorimi i armëve ka nisur pas një sherri mes dy bandash rivale në një lokal, njëra shqiptare dhe tjetra e përbërë nga shtetas me origjinë marokene. Më pas të dy grupet u përballën me njëri-tjetrin në rrugë.
Autoritetet po hetojnë dhe po rindërtojnë dinamikën e ngjarjes së rëndë.
- Reagimi i kryebashkiakut të Frosinones
Për ngjarjen reagoi edhe kryebashkiaku i Frosinones i cili tha se ishte i shokuar nga krimi i rëndë që ndodhi në lokalin më të frekuentuar nga të rinjtë e qytetit.
