Boksieri Besar Nimani ka mbetur i vrarë ditën e sotme në qytetin e Bielefeldit në Gjermani.
Sipas raportimeve nga mediat në Gjermani si dhe bazuar në deklaratat e dëshmitarëve në vendin e ngjarjes, Nimani është qëlluar sapo ka dalë nga restoranti.
Autorët e vrasjes nuk janë identifikuar nga autoritetet gjermane, ndërsa është raportuar se një sulm i ngjashëm ndaj tij kishte ndodhur edhe në vitin 2013.
Nimani gjatë karrierës së tij si boksier profesionist ka zhvilluar 27 duele, ku ka arritur që të shënojë fitore në 26 prej tyre ndërsa ka pësuar vetëm një humbje.
Lajmin e trishtë e ka konfirmuar vëllai i të ndjerit, Berat Nimani, përmes një postimi në rrjetet sociale.
“Sot ne një pritë në Bielefeld te Gjermanisë është vra vllau im Besar Nimani. Ishalla Zoti na bashkon ne xhenet me ta. Përjet e mot krenar me ty, shpirtin me ta marr tradhtisht kan mujt vra por me poshtru kurr askush. Te dua”, shkroi ai.
