Një 41-vjeçar ka humbur kontrollin e mjetit në aksin rrugor “Krahës-Malas” dhe për pasojë ka dalë nga rruga.
Të plagosur kanë mbetur shoferi dhe 2 pasagjere në automjetin që drejtonte ai. Të plagosurit janë dërguar në spital, ku janë jashtë rrezikut për jetën
“Rreth orës 15:05, në aksin rrugor “Krahës-Malas”, shtetasi E. M., 41 vjeç, banues në Memaliaj, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë dëmtuar shtetasi E. M. dhe 2 pasagjere në automjetin që drejtonte ai. Të tre këta shtetas janë dërguar në spital, ku janë jashtë rrezikut për jetën.”- njofton policia.
Grupi hetimor po punon për sqarimin e rrethanave të aksidentit.
