Një aksident me 4 të plagosur ka ndodhur pasditen e sotme në aksin rrugor “Elbasan-Librazhd”. Të plagosurit po marrin asistencë mjekësore në spital dhe janë jashtë rrezikut për jetën.
“Rreth orës 17:40, në aksin rrugor “Elbasan-Librazhd”, automjeti me drejtues shtetasin K. R., 36 vjeç është përplasur me automjetin me drejtues shtetasin O. L., 33 vjeç.
Si pasojë janë dëmtuar 4 pasagjerë që udhëtonin në këto dy automjete, të cilët po marrin asistencë mjekësore, në spital dhe janë jashtë rrezikut për jetën.”- njofton policia.
Grupi hetimor vijon punën për përcaktimin e shkaqeve të aksidentit.
