Akira Toriyama, krijuesi i Dragon Ball, një nga librat me ilustrime me influencën më të madhe në Japoni dhe jo vetëm, u shua në moshën 68-vjeçare.
Dragon Ball është shumë popullor në të gjithë botën, kryesisht për shkak të versioneve vizatimore dhe filmave.
Ndjekësit bënë homazhe në nder të Toriyama-s për krijimin e karaktereve të ndryshme që janë bërë pjesë e fëmijërisë së tyre.
Dragon Ball doli për herë të parë në qarkullim në vitin 1984. Një djalë me emrin Son Goku duhej të mblidhte topat magjike të dragoit për të mbrojtur Tokën kundër alienëve.
Toriyama u shua më 1 Mars dhe vetëm familja e miqtë e tij të ngushtë morën pjesë në funeralin e tij. Dragon Ball ishte puna e tij më e famshme. Ajo frymëzoi shkrimtarë të tjerë të stilit “fiction”.
