Pas 2 orësh, ministri i Mbrojtjes Niko Peleshi është larguar nga ambientet e SPAK.
Peleshi u paraqit në ambientet e Prokurorisë së Posaçme në orën 09:50. Sipas burimeve pranë SPAK, Peleshi është thirrur për tu pyetur lidhur me hetimet që po zhvillon prokuroria për bazat e ushtrisë. Për të njëjtën çështje, është pyetur më herët dhe ish-ministrja e Mbrojtjes Olta Xhaçka.
Megjithatë, ende nuk ka një konfirmim zyrtar nga SPAK lidhur me arsyen e thirrjes së Peleshit. As ky i fundit nuk dha detaje lidhur me arsyen e paraqitjes në SPAK pas daljes nga ambientet e prokurorisë.
“Isha për çështje të funksionit. S’kam asnjë koment”, tha shkurtimisht ministri për gazetarët.
Peleshi ka mbajtur më herët edhe detyrën e zv.kryeministrit, në periudhën 2013-2017. Gjithashtu në periudhën shtator 2017-janar 2019, ai ka shërbyer si ministër i Bujqësisë dhe Zhvillimit Rural.
