Ka përfunduar koha e rregullt mes Partizanit dhe Kukësit, sfidë e vlefshme për çerekfinalen e Kupës së Shqipërisë.
Verlindorët kanë triumfuar 0-1 falë golit të Hasajt në minutën e 21-të. Pas një pasimi me thembër nga Salami, Hasaj goditi me të majtën nga brenda zonës duke e çuar topin në rrjetë.
Ndërkohë në takimin e parë, skuadra kryeqytetase kishte triumfuar 0-1 në Kukës duke bërë që skuadrat t’i drejtohen kohës shtesë për të përcaktuar skuadrën gjysmëfinaliste.
Ndërkohë në minutën e 92-të të shtesës, Partizani pati mundësinë të barazonte shifrat. Pas një goditje këndi, Tafas devijon një gjuajtje me kokë të futbollistëve të Partizanit dhe më pas sfera prek pjesën e sipërme të traversës e kalon jashtë.
