Ditën e sotme u inaugurua baza ajrore e NATO-s në Kuçovë ku të pranishëm në ceremoni ishin edhe disa deputetë të opozitës të cilët nuk u respektuan siç duhet nga organizatorët.
Në një reagim në rrjetet sociale, deputeti i Partisë Demokratike Asllan Dogjani e quan të paprecedentë “sjelljen arrogante të maxhorancës ndaj opozitës”.
Ai shprehet se përveçse u injoruan nga protokolli, për deputetët e opozitës nuk kishte as karrige për t’u ulur.
Reagimi nga Asllan Dogjani:
“E pa preçedent sjellja arrogante e mazhorncës ndaj deputetëve të opozitës!
Ne, deputetët e opozitës, anëtarë të Komisionit të Sigurisë kombëtare në respekt të Kushtetutës, dhe detyrimit si vend anëtar i NATO-S ishim sot në Kuçovë me rastin e inagurimit të bazës ajrore ushtarake te NATO-s.
Pavarësisht se ishim dhe të ftuar u detyruam të largoheshim, se nuk kishte asnjë protokoll, nuk u vlerësuam.
Ne qëndruam 5 minuta në respekt të himnit kombëtar e atij të NATO-s dhe u larguam!
Arroganca e kësaj qeverie kishte arritur deri aty, sa nuk kishte lënë as karrike për deputetët e opozitës”, shkruan Dogjani.
