Një shpërthimi i fortë ka tronditur këtë të premte Lushnjen. Ngjarja ka ndodhur në një kapanon, dhe si rezultat i shpërthimit humbën jetën dy persona dhe u plagosën 6 të tjerë mes tyre edhe deputeti i PS Bujar Çela.
Raportohet se nga shpërthimi i fuqishëm janë dëmtuar edhe disa biznese që ndodheshin pranë kapanonit ku ndodhi edhe shpërthimi. Sakaq banorë të zonës janë shprehur për mediat se shpërthimi ishte shumë i fuqishëm dhe ka shkaktuar panik.
“Isha në servis kur ndodhi. Ishte shpërthim shumë i fuqishëm”, tregoi një prej qytetarëve.
“Shumë e frikshme, dëgjova vetëm zhurmë. Llamarinat u ngritën në ajër”, tha një tjetër qytetar.
Pronari i një pike shitjesh të pajisjeve elektroshtëpiake thotë se dëmet i janë shkaktuar edhe në banesë krahas biznesit.
“Ishim në dyqan dhe dëgjuam shpërthimin. Tronditja ishte e fuqishme. Dëmi në dyqan është shumë i madh. Pjesa e biznesit ka dëmtime ashtu edhe pjesa e shtëpisë. Janë dëme të papara. Shpërthimi zgjati pak sekonda por ishte shumë i fuqishëm. Nuk e kuptuam nga erdhi dhe fillimisht se plasi bombola”, tha ai.
Momenti i shpërthimit:
