Vllaznia do të presë në “Loro Boriçi” skuadrën e Tiranës për të zhvilluar mes tyre sfidën e javës së 26-të të Superiores.
Do të përplasin “brirët” në Klasiken e tretë për këtë sezon, me ndeshjen që do të luhet të shtunën në orën 17:00.
Një duel ku shkodranët do të tentojnë vazhdimësinë në kampionat, teksa prej më shumë se 11 ndeshjesh nuk e njohin humbjen në Superiore.
Kuqeblutë janë skuadra e momentit dhe në të tillë kushte do të luftojnë sërish vetëm për 3 pikët.
Për shkak të rivalitetit që kanë dy ekipet, por edhe formës së mirë që po kalon Vllaznia në “Loro Boriçi” pritet një numër i lartë tifozësh për të mbështetur skuadrën e tyrë.
Në këtë mënyrë klubi ka njoftuar se ka nxjerrë në shitje biletat, ndërsa ka bërë të ditur edhe pikat ku mund t’i blejnë.
