Ish-ambasadori, Agim Nesho është shprehur se kryeministri Edi Rama, nëse do të ishte i fokusuar dhe mbështetës i Ukrainës, do të ndalonte anijet dhe vizitorët rus të vinin në Shqipëri.
“Ukraina është një nga temat më të nxehta globale për arsye është fronti ku përplasen interesat e perëndimit me vendet autokratike të cilat kërkojnë të rrisin influencat e tyre. Qëndrimi i perëndimit për Ukrainën është shumë i rëndësishëm pasi oreksi i Rusisë nuk do të ndalet këtu. Ajo kërkon të ndajë zonat e influencës me superfuqitë e tjera. Po të shikosh interesat e perëndimit samiti që u mor me këto interesa dhe perspektiva që do të ketë kjo luftë u bë dje në samit ku ishin 20 vendet më të rëndësishme dhe përfshirë dhe ndihmës sekretarin e SHBA. Një samit i tillë u bë para disa muajsh në Greqi ku Rama nuk u ftua ndërsa presidenti refuzo\oi të shkonte pasi kishte një axhendë tjetër”, tha Nesho për “Syri Tv”.
“Ky samit sot është pjesë e axhendës personale të Ramës dhe regjimi i Ramës asnjëherë nuk ka qenë i angazhuar për çështjen e Ukrainës dhe thirrjeve të Zelenskit për refuzimin e anijeve ruse nuk u mor parasysh nga Rama. Mendoj se ky samit që vjen nuk ka asgjë të rëndësishme dhe rolin që Rama kërkon të marrë. Erdogani po sillet si një fuqi lokale shumë e rëndësishme si në Lindjen e Mesme por edhe në Azi. Turqia nuk ka vendosur sanksione ndaj Rusisë. Duket që Rama ka kërkuar të fusë këtë element të domosdoshme pasi ndërmjetësimi i Erdoganit është shumë i rëndësishëm në luftën e Ukrainës”, shtoi ai.
