Një punëtor shqiptar ka ndërruar jetë papritur, teksa ngjarja e rëndë është regjistruar ditën e djeshme në Itali. Mediat përtej Adriatikut raportojnë se viktima është shtetasi Ledian Sharka, 38 vjeç me profesionin murator.
Sipas një rikonstruksioni fillestar të tragjedisë, punëtori, banues në Castel Del Monte, së bashku me një koleg ishin duke punuar në një shtëpi private kur papritur ai ka thënë “nuk ndihem mirë”.
Me një koleg, 38-vjeçari shkoi në spitalin e qytetit. Ndërkohë që po i shpjegonte mjekut arsyen pse ndodhej në spital, papritur u rrëzua përtokë. Pavar♪7sisht ndihmës së mjekut, Sharka ndërroi jetë.
Prokurori Fabio Picuti, ka urdhëruar transferimin e trupit në morgun e spitalit, ku me shumë gjasa do të kryhet autopsia për të verifikuar shkakun e saktë të vdekjes.
38-vjeçari Ledian Sharka ishte i martuar dhe baba i një vajze 5-vjeçare.
