Një person ka ndërruar jetë në qendrën e paraburgimit të Prishtinës në Kosovë.
Sipas njoftimit të policisë rasti ka ndodhur rreth orës 07:40, ndërsa ende nuk dihen shkaqet dhe rrethanat se si ka ndodhur ngjarja.
“Shërbimi Korrektues i Kosovës dhe Departamenti Shëndetësor i Burgjeve njoftojnë se sot rreth orës 07:40 në Qendrën e Paraburgimit në Prishtinë ka ndërruar jetë i burgosuri, V.M. Vdekja është konstatuar nga ekipi i Qendrës Emergjente të Qytetit. I burgosuri ishte duke u trajtuar sipas rekomandimeve të institucioneve shëndetësore publike (IPFK-së)”, thuhet në njoftim.
Institucionet kanë nisur punën për procedurat e nevojshme ligjore deri në daljen e autopsisë që do përcaktojë shkakun e vdekjes.
