Joachim Low është i papunë prej më shumë se dy vitesh.
Ish-timonieri i Gjermanisë që ka fituar Kupën e Botës në Brazil 2014 është pa një ekip që prej largimit nga kombëtarja gjermane në verën e vitit 2021.
Ditët e fundit emri i tij është lidhur ngushtë me skuadrën e Bayern Munich, si një kandidat për të zëvendësuar Thomas Tuchel në stolin e kampionëve të Bundesligës.
64-vjeçari ka shprehur dëshirën për t’u rikthyer në stol dhe pritet që këtë vit të marrë në dorë frenat e ndonjë skuadre.
Por dëshira e tij është një kombëtare, teksa dëshiron të jetë protagonist në Kupën e Botës 2026.
“Nuk jam pensionuar nga futbolli dhe jam 100% i bindur. Sa i takon Bayern Munich, nuk ka qenë ende ndonjë ofertë në tryezë. Ajo që është tashmë një objektiv për mua është Kupa e Botës në Amerikë, Kanada dhe Meksikë. Kjo më duket emocionuese. Jam i bindur se në verë do të gjej kombëtaren që dua”, ka theksuar trajneri kampion më Gjermaninë.
