Detaje të reja nga krimi në Shënvlashë të Durrës, ku 19-vjeçarja Hygerta Meta vrau të atin e saj dhe groposi trupin duke fshehur ngjarjen.
Vajza ka deklaruar para hetuesve se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur, konfirmoi zyrtarisht policia e Durrësit. Ndërkohë, burime thanë se vajza, studente për ekonomi-biznes në Tiranë, ka dëshmuar po ashtu se djali që donte ta fejonte i ati me mblesëri, ishte po nga fshati Shën Vlash dhe jetonte në Itali si emigrant, por ajo nuk e donte.
Lidhur me dinamikën e vrasjes, ajo ka thënë se e ka vrarë të atin me pistoletën që 49-vjeçari mbante për arsye të punës si roje nate dhe pasi e ka mbështjellë me qese, e ka groposur në oborr, ku edhe u gjet trupi i pajetë.
Po ashtu, ka marrë përsipër edhe spostimin e automjetit të të atit nga banesa.
Ndërkohë, arma e krimit nuk është gjetur ende.
“Grupi i posaçëm hetimor po vijon hetimet e thelluara për të identifikuar dhe vënë përpara përgjegjësisë ligjore, shtetas të tjerë të implikuar në këtë ngjarje”, thuhet në një njoftim të policisë.
Trupi i Pëllumb Metës është zhvarrosur dhe është transportuar në Institutin e Mjekësisë Ligjore, për kryerjen e ekspertizës së mëtejshme.
Lexo edhe:
