Giacomo Vrioni është shfaqur protagonist në ndeshjen e sotme që ekipi i tij, New England Revolution luajti përballë Independiente.
Sfida e vlefshme për fazën e 1/16-ve të CONCACAF Champions Cup, përfundoi me fitoren 0-1 të ekipit të shqiptarit.
Në atë gol të shënuar, ishte pikërisht sulmuesi i Kombëtares shqiptare që asistoi. Në minutën e 54’ të sfidës, Vrioni nxorri një top mjaft të bukur me kokë për te Chancalay, me këtë të fundit që e dërgoi atë në fundin e rrjetës.
Një sinjal i mirë nga sulmuesi 25-vjeçar në kompeticionin më të rëndësishëm për klube në Amerikën Qendrore dhe atë të Veriut.
