Roma konfirmohet si makth i Feyenord në Europë. Verdhekuqtë kanë fituar 4-2 përmes penalltive, në sfidën e vlefshme për turin e 1/16 të Europa League.
Pas sfidës së parë që u mbyll me barazimin 1-1 dhe kohës së rregullt të takimit të dytë që përfundoi po me barazimin 1-1 u desh koha shtesë dhe penalltitë që italianët të preknin raundin e radhës.
Takimi i luajtur në “Olimpico” rezultoi shumë i luftuar, megjithatë goli i parë erdhi që në minutën e 5’, me Gimenez që kaloi holandezët në avantazh.
Vendasit ia dolën që të gjenin barazimin brenda pjesës së parë, me Pellegrinin që shënoi një super gol në minutën e 15’.
Në fraksionin e dytë, si Roma ashtu edhe Feyenoord provuan që të gjenin sërish rrugën drejt rrjetës, por nuk ia dolën, duke e çuar ndeshjen në shtesë dhe më pas te penalltitë aty ku portieri Svilar u tregua vendimtar me dy pritje.
