Olivier Giroud është një nga lojtarët më të rëndësishëm të Milan-it, me sulmuesin që pavarësisht moshës ka krijuar një marrëdhënie të mirë me golin dhe shpesh herë ka rezultuar deciziv.
Tashmë, në një periudhë ku palët kanë nisur të mendojnë për të ardhmen, 37-vjeçari ka kontratë me italianët deri në përfundim të sezonit dhe sinjalet e rinovimit janë prezente, por në skenë është shfaqur edhe mundësia e largimit.
Giroud e ka shprehur gjithmonë dëshirën për të mbyllur karrierën te Milan, por ideja e transferimit në Amerikë ka nisur të tundojë francezin.
Mediet italiane kanë raportuar se Giroud ka pasur kontakte me një skuadrën amerikane dhe gjithçka do të varet nga oferta e Milanit, me termat financiar që klubi do të ofrojë për francezin.
Giroud ka shënuar deri më tani 45 gola në 115 ndeshje me “kuqezinjtë”, teksa në këtë sezon ka gjetur rrugën e rrjetës në 13 raste.
