Deputetja demokrate, Ina Zhupa, ka komentuar pasditen e kësaj të enjte ligjin për zonat e mbrojtura.
E ftuar në Edicionin e Pasdites në Syri Tv, Zhupa u shpreh se ky ligj është shkelje flagrante e interesit publik, ndërsa shtoi se zonat e mbrojtura do të kthehen në resorte e kazino për oligarkët.
Zhupa: “Në këtë ligj nuk ka asgjë politike përveç se ka një masakër të plotë mjedisore dhe kundër interesit publik në zonat e mbrojtura.
Praktikisht sot ata kanë votuar që Shqipëria të mos ketë më zona të mbrojtura, pra nga sot nëse ligji hyn në fuqi me heshtje apo miratim të presidentit , Shqipëria nuk ka më asnjë zonë të ndaluar për ndërtime, asnjë zonë të ndaluar për veprimtari ekonomike dhe asnjë zonë të mbrojtur si pasur natyrore të paprekshme .
Në të gjitha zonat, mjafton t’i vënë gishtin dhe do jenë pika të vogla të Mirela Kumbaros që do shndërrohen në resorte, në kazino dhe në çfarë t’ju ketë qejfi qeveritarëve që nuk kanë më asnjë kriter dhe asnjë send ligjor apo moral përballë qytetarëve që i kanë votuar por edhe atyre që nuk i kanë votuar.
Ky ligj përveç se është në shkelje flagrante e interesit pubklik dhe e interesit mjedisor është edhe në shkelje flagrante e standarteve që kërkon Bashkimi Europian”.
LEXO EDHE:
Ligji “Për zonat e mbrojtura” do të zbulojë oligarkët që “hanë qofte me Ramën”
