Ekaterina Mizulina përflitet se është e dashura e re e presidentit rus Vladimir Putin, një historiane arti e shkolluar në Mbretërinë e Bashkuar, e përshkruar nga mediet si një grua “bjonde, me një bukuri si kukulla Barbie”.
Sipas një raporti të New York Post, thuhej se Putini ka një lidhje romantike me Muzlina-n e cila është 32 vjet më e re se presidenti rus.
Mizulina raportohet se kryeson Ligën e Internetit të Sigurt të fuqishëm, të mbështetur nga Kremlini dhe është quajtur si “kujdestarja e moralit” dhe “shtytësja e censurës” së Putinit.
“Katya Mizulina është plotësisht në shijen e Putinit”, u citua të ketë thënë aktivistja ruse për të drejtat e njeriut Olga Romanova nga Channel 24 i Ukrainës.
Për presidentin rus, me vite është përfolur se ka pasur një lidhje me tanimë ish-gjimnazten 40-vjeçare, Alina Kabaeva, dhe dyshja besohet se kanë dy ose tre fëmijë së bashku.
