Kreu i Grupit Parlamentar të PD-së, Gazment Bardhi, ka dhënë një deklaratë për mediat pas mbledhjes, ku u shpreh se aksioni opozitar do të vijojë.
Bardhi komentoi vendimin e Gjykatës Kushtetuese në lidhje me marrëveshjen Rama-Meloni për emigrantët, të cilin e ka cilësuar si akt i tradhtisë kombëtare.
Bardhi: “Dua të bëj një koment vendimit të GJK lidhur m marrëveshjen për emigrantët. Duke shprehur keqardhjen e thellë që GJK nuk u ngrit në interesin publik, dua ta konsideroj si një akt të tradhtisë kombëtare. Çështja rrezikon sigurinë publike dhe e përfshin Shqipërinë në hartën e cenimit të të drejtave të njeriut, vendimi ishte një goditje në raport me respektin dhe garancitë që ky institucion duhet të japë”. Dënoj ndërhyrjen e kabinetit të Ramës në anëtarë të GJK dhe shpreh keqardhjen që nga anëtar të betuar mbi Kushtetutë u ndërruan në Vali Bizhga në GJK. Rikonfirmoj vendimin e grupit të PD për të vijuar aksionin në Parlament.
