Një pikë në tre ndeshjet e fundit zbehën përfundimisht ëndrrën e Juventusit se mund të rivalizonin me Interin në garën për titull në Serinë A. I dorëzuar në këtë pikë është edhe Allegri.
“Titulli ishte një ëndërr e bukur, por tani mjaft. Te Juventus nuk duhet të kënaqesh kurrë, në të njëjtën kohë askush nuk duhet të qëndrojë i qetë, të relaksohet, pasi duhet të blindojmë vendin e dytë, objektiv ky që nuk është i sigurt. Ky është objektivi ynë, duhet të luftojmë për të”, i ka thënë Allegri ekipit në dhomat e zhveshjes, sipas mediave sportive italiane.
Me këto fjalë Allegri u përpoq të shkund ambientin, t’i kthejë sa më shpejt në shinat e duhura pasi Milan është vetëm dy pikë pas tyre.
Juve pret këtë fundjave Frosinonen në Torino, një ndeshje ku nuk lejohet asnjë hap falas, kërkohet tre pikët me çdo kusht për të mbajtur larg kuqezinjtë.
