Një 17 vjeçar është arrestuar nga policia në Malësi të Madhe, dhe një 16 vjeç është proceduar penalisht, pasi dyshohet se ishin posedues të një sërë armësh dhe lëndësh narkotike.
Blutë bëjnë me dije se adoleshentëve u janë gjetur kallashnikov, armë gjahu, fishekë luftarak dhe disa doza kanabis sativa, të cilat janë sekuestruar në cilësinë e provës materiale.
“Shërbimet e Komisariatit të Policisë Malësi e Madhe vunë në pranga një 17-vjeçar dhe referuan materialet në Prokurori, ku nisi procedimi në gjendje të lirë për një 16-vjeçar, pasi dyshohet se posedonin 1 armë zjarri kallashnikov, 1 armë gjahu, 23 fishekë luftarak, 1 maskë dhe një sasi të vogël lënde narkotike cannabis sativa, të cilat u gjetën dhe u sekuestruan nga shërbimet e Policisë. Arma e zjarrit dhe sendet e tjera do të dërgohen në Institutin e Policisë Shkencore, për ekspertizë të mëtejshme”,- njofton Policia.
