Deputetët e Partisë Demokratike kanë dalë të bashkuar nga selia blu dhe janë nisur drejt bulevardit “Dëshmorët e Kombit”, për t’iu bashkuar mijëra qytetarëve që ndodhen para godinës së Kryeministrisë.
Deputetët e PD-së udhëhiqen nga Gazment Bardhi dhe Flamur Noka, teksa para tyre qëndrojnë disa të rinj me pankartën të cilës i është hequr vizë shprehjes “E duam Shqipërinë si gjithë Europa”, duke e zëvendësuar me shprehjen “Ta bëjmë Shqipërinë si gjithë Europa”, e cila është dhe slogani i protestës së sotme.
Kjo është protesta e parë pa praninë e liderit demokrat Sali Berisha, i cili do ta përcjellë mesazhin e tij përmes teknologjisë.
