Kreu i Partisë së Lirisë, Ilir Meta thotë se shembjen e aksit “Korçë-Ersekë” e ka paralajmëruar rreth një javë më parë dhe shton më tej se rrezikon të përsëritet edhe në akse të tjera të florinjta të ‘Rilindjes’.
Meta shprehet se veprat më të mëdha të qeverisë Rama, sipas tij, janë “gropat shumë të thella të korrupsionit në çdo sektor”.
“Para një jave nga Shkodra e paralajmërova atë që pritej të ndodhte me rrugën super të shtrenjtë por pa standarde, “Korçë-Ersekë”, që rrezikon të përsëritet në “Kardhiq-Delvinë”, por dhe në rrugët e tjera të florinjta të “Rilindjes”.
“Veprat” më të mëdha të kësaj Qeverie janë gropat shumë të thella të korrupsionit në çdo sektor, që vetëm thellohen dhe përhapen kudo!
Kështu ndodh në një vend ku drejtësia garantohet nga ai që e ka kapur për fyti: Kryeministri!”, tha ai.
