Një tjetër rast i tentativës së vetëvrasjes raportohet të ketë ndodhur në vend. Një 61-vjeçar ka tentuar ti japë fund jetës duke pirë fotoksinë.
Ngjarja ka ndodhur pasditen e djeshme në fshatin Dushk të Lushnjes, por fatmirësisht burri është gjetur në kohë nga familjarët dhe është transportuar në spital, ku raportohet se ndodhet jashtë rrezikut për jetën.
Në njoftimin e policisë thuhet se bëhet fjalë për shtetasin me iniciale P.SH.
“Pasditen e djeshme, për shkak të gjendjes së rënduar psikologjike, dyshohet se ka konsumuar fotoksinë, në banesën e tij në fshatin Dushk, shtetasi P. Sh., 61 vjeç. Ky shtetas është në spital, në kujdesin e mjekëve dhe aktualisht jashtë rrezikut për jetën”,- njofton policia.
Nuk dihet ende se çfarë e ka shtyrë 61-vjeçarin drejt këtij akti, sakaq grupi hetimor po punon për sqarimin e plotë të rrethanave të ngjarjes.
