Kreu i grupit të Partisë Demokratike, Gazment Bardhi deklaron se tregtarët korçarë ankohen për rënien e fuqisë blerëse, ndërsa qytetarët ankohen për kushtet e vështira ekonomike.
Krahas disa fotove me qytetarët korçarë, Bardhi shprehet se qarku i Korçës, ashtu sikurse e gjithë Shqipëria, po vuan pasojat e shpopullimit.
Ai i fton korçarët që ditën e martë, ora 17:30, të bëhen bashkë përpara Kryeministrisë të protestojnë kundër keqqeverisjes së Edi Ramës.
Postimi i plotë
Në Korçë Ditë e Dielë, tregu dhe rrugët do duhej të ishin plot! Realiteti është krejt ndryshe.
Tregtarët ankohen për rënien e fuqisë blerëse, ndërsa qytetarët ankohen për kushtet e vështira ekonomike.
Qarku i Korçës, ashtu sikurse e gjithë Shqipëria po vuan pasojat e shpopullimit.
20 Shkurti, është moment reflektimi dhe proteste për çdo shqiptar!
Ditën e martë, ora 17:30, të bëhemi bashkë përpara Kryeministrisë, të protestojmë për Shqipërinë, të protestojmë kundër keqqeverisjes së Edi Ramës.
