Emiljano Çela nuk do të jetë më trajner i Kukësit. Ai ka dhënë dorëheqjen nga detyra dhe lajmi është bërë i ditur nga vetë klubi verilindor përmes një postimi në rrjetet sociale.
Rezultatet e dobëta të skuadrës verlindore janë shkaku i largimit të trajnerit nga Memaliaj. Kukësi regjistron 6 humbje radhazi teksa e fundit ishte ditën e djeshme ndaj Teutës ku u mundën 1-0 në “Niko Dovana”.
Kujtojmë se Çela u zyrtarizu në krye të verilindorëve më 31 janar, ndërsa drejtoi skuadrën në 3 sfida, ku nuk ia doli të siguronte asnjë pikë.
U mposht në debutim 3-2 nga Tirana, më pas 1-0 nga Skënderbeu dhe së fundmi nga Teuta.
Kukësi mban vendin e fundit në klasifikim me 19 pikë pas 24 javëve të luajtura.
Postimi i plotë
Njoftim:
Emiljano Çela ka dhënë dorëheqjen nga ekipi!
Mbas nje bashkëbisedimi me stafin drejtues, dorëheqja iu pranua.
E falenderojmë Emiljano Çelën dhe i urojmë shume suksese ne karrieren e tij!
