Bayer Leverkusen vrapon drejt titullit të parë kampion në histori. “Aspirinat” regjistruan një tjetër fitore, këtë herë në transfertën ndaj Heidenheim, ku triumfuan me rezultatin 1-2 dhe shkuan përkohësisht +8 ndaj Bayernit ndjekës në renditje.
Skuadra e drejtuar nga Xabi Alonso mori avantazhin në minutat shtesë të pjesës së parë me Frimpong, ndërsa në të 81-tën ishte Adli që dyfishoi shifrat.
Në të 87-ën Pieringer shënoi për vendasit e Heidenheim, duke rihapur ndeshjen dhe bërë më interesante minutat e mbetura, megjithatë asgjë për të shënuar, pasi Leverkusen mbrojti mirë portën dhe u largua me tri pikë mjaft të vlefshme.
Një javë pas suksesit ndaj Bayernit të Mynihut, “Aspirinat” marrin kështu nëj tjetër sukses, që i ngjit përkohësisht në kuotën e 58 pikëve, i ndjekur nga Bayerni i Mynihut me 50 pikë, me bavarezët që luajnë të dielën në transfertën ndaj Bochumit.
Në takimin tjetër, Borussia e Dortmundit u ndal në barazim 1-1 në fushën e Wolfsburgut, rezultat që nuk e ndryshon vendin e saj në renditje (vendi i katërt), por u jem mundësi skuadrave që synojnë zonën Champions të shkurtojnë diferencën.
Në “Volkswagen Arena” miqtë shënuan që në minutën e tetë me Fullgrug, por pa mundur të ruanin epërsinë.
Pas shumë përpjekjesh, “Ujqërit” e gjetën golin e barazimit me Gerhardt në të 63-tën. Ky ishte edhe rezultati përfundimtar, pasi në minutat e mbetura të dyja skuadra u treguan të kujdesshme për të mos pësuar.
Rezultatet:
- Darmstadt – Stuttgart 1-2
- Heidenheim – Bayer Leverkusen 1-2
- Hoffenheim – Union Berlin 0-1
- Mainz – Augsburg 1-0
- Wolfsburg – Dortmund 1-1
