Ambasada e SHBA-ve në Prishtinë ka publikuar një video në rrjetet sociale me rastin e përvjetorit të 16 të pavarësisë së Kosovës.
Në video janë përfshirë raportet disa vjeçare të miqësisë në mes të SHBA-së dhe Kosovës, momentet nga 17 shkurti 2008, protagonistët e asaj kohe, deklaratat e presidentëve të SHBA-së sa i përket shtetit të Kosovës, gjithashtu dhe përkrahja ushtarake që SHBA i jep Kosovës për një rajon sa më të sigurt.
Në fund të videos jepet mesazhi: “Le të vazhdojmë të punojmë së bashku”.
Kosova feston sot 16-vjetorin e Pavarësisë. Më 17 shkurt 2008, ditë e diel, në Kuvendin e Kosovës u lexua Deklarata e Pavarësisë dhe Kosova u shpall shtet i pavarur e demokratik.
