Një sasi e madhe kokaine është kapur nga autoritetet ekuadoriane në kantonin El Guabo të provincës El Oro, mëngjesin e të enjtes së 15 Shkurtit.
Droga ishte e ndarë në 122 pako, e cila po transportohej me kamion, ku shoferi i kampionit ka tentuar të arratiset, por Policia arriti ta vërë në pranga. Bëhet fjalë për shtetasin e identifikuarf si Jonathan M., 37 vjeç, i cili kishte me vete 2090 dollarë.
Siç shihet dhe nga video e mëposhtme, disa prej pakove me kokainë janë të ambalazhuara me flamurin e Shqipërisë, ndërsa disa të tjera kishin shenjën “JP”.
Mediat vendase raportojnë se kokaina u kap, pasi agjentët e Policisë Kombëtare të El Guabo vunë re qëndrimin e dyshimtë të drejtuesve të dy kamionëve dhe një furgon gjatë operacioneve rutinë, duke u dhënë atyre udhëzime për të ndaluar.
Shoferet e injoruan udhëzimin e Policisë dhe e rritën shpejtësinë. Ndërsa përpiqej të arratisej, një nga kamionët u përplas me një fabrikë bananesh në sektorin Santa Lucía dhe shoferi iku mes plantacioneve, por u kap pas ndjekjes. Brenda kamionit u gjetën 122 pakot me kokainë
Koloneli Juan Carlos Mafla, shefi i policisë së El Oro, gjatë konferencës për mediat deklaroi se kokaina kapte në treg një vlerë prej 7 milion e 320 mijë dollarësh, teksa si destinacion do të dërgohej në Evropë.
